សៀវភៅក៏ដូចជាម្ហូបអាហារដែលអ្នកញ៉ាំរាល់ថ្ងៃដែរ។ សៀវភៅខ្លះអ្នកគ្រាន់តែភ្លក់ ខ្លះទៀតអ្នកញ៉ាំ តែមិនបានចាប់ចិត្តលើរសជាតិរបស់វាទេ ឯសៀវភៅខ្លះទៀតវិញ គឺអ្នកបានញ៉ាំ ហើយរំលាយវាដើម្បីឲ្យអ្នកធំធាត់។ សៀវភៅខ្លះអាចនឹងឆ្ងាញ់សម្រាប់អ្នកដទៃ តែសម្រាប់អ្នក គ្រាន់តែភ្លក់គឺគ្រប់គ្រាន់ហើយ។ ពេលអ្នកដទៃថារសជាតិនេះឆ្ងាញ់ វាមិនប្រាកដថាវាឆ្ងាញ់សម្រាប់អ្នកនោះទេ។ មានសៀវភៅច្រើន ហើយអ្នកមានពេលប្រហែល១ម៉ោងក្នុងមួយថ្ងៃដើម្បីអានវា។ ដូច្នេះហើយ ចូរជ្រើសរើសរស់ជាតិដែលអ្នកត្រូវការក្នុងខណៈនេះ។ បើភ្លក់ហើយ តែវាមិនឆ្ងាញ់សម្រាប់អ្នកទេក្នុងពេលនេះ កុំទ្រាំញ៉ាំវាឲ្យអស់អី។
បញ្ជាក់៖
- ភ្លក់សៀវភៅ៖ អានត្រួសៗហើយអ្នកក៏មិនចាប់អារម្មណ៏លើវាទេនៅខណៈនេះ
- ញ៉ាំសៀវភៅ៖ អានបានច្រើនតែមេរៀនខាងក្នុងមិនមានអ្វីថ្មីសម្រាប់អ្នក
- ញ៉ាំហើយរំលាយ៖ អានហើយយកខ្លឹមសារក្នុងសៀវភៅនោះមកអនុវត្តដើម្បីឲ្យអ្នករីកចំរើន។
